Вось толькі не ведаю, ці ў той раздзел я памясціў тэму... Выбачайце.
Думаю, што гэта яшчэ толькі пачатак...
=============================================
Вось гэты аўтамабіль:
http://abw.by/allpublic/sell/1941834/

Сёння увечары з'ездзіў паглядзець гэты экземпляр. Яшчэ калі глядзеў на абв, адразу заўважыў, што аўтамабіль ні разу не фарбавалі (акрамя бампераў і накладак, потым гэта пацвердзілася). Ды і люстэркі ад 123 незвычайна выглядалі на 126.
Калісьці гэта была мадэль 380 SE. Потым туды ўпедзюрылі 3л рухавік з МКПП і спідометрам ад 123. Адразу скажу, што рухавіку кранты. З першага разу не запусціўся. Потым запусціўся, але не трымаў Х.Х.


Роднага рухавіка не засталося. Уладальнік сцвярджае, што ён купіў аўтамабіль ужо такім.




380 SE, 1982 г.в. Колер: №493 "Пырскі шампанскага". З опцый: 440 (Tempomat), 466 (ц/з), 470 (АБС), 531 (аўтаматычная антэна), 580 (кандыцыянер), 590 (тэрмальныя шклы) , 254 ("Бэкер Еўропа"), 260 (адсутнасць пазначэння мадэлі на крышцы багажніка), 812 (дынамікі ззаду). Інтэр'ер - тканіна бэжавага колеру.

Tempomat - там жа, дзе і 8-цыл. рухавік.
Ц/з не працуе.
АБС не працуе.
Аўтаматычнай антэны няма - замест яё нейкая заглушка - астаткі ад савецкай антэны (я так думаю), якую "укалгасілі".

Сама дрэннае - падобна, што у дахе зрабілі адтуліну і паставілі яшчэ адну антэну.


Кандыцыянер: блок кіравання, па-мойму, прысутнічае, але ясна тое, што яго няма.



Тэрмальныя шклы па кругу, але правае пярэдняе шкло звычайнае, заднія глухія фортачкі заклеены чорнай плёнкай, а задняя шыба, як гэта і характэрна для тэрмашыб, мае невялічкі бялёсы развод ў куту - прыкмету расслаення. Спераду есць ветравеі (на сметнік іх).



Магнітола канешне ж адсутнічае, але дома ў мяне ляжыць такая як патрэбна.




Заднія дынамікі "укалгасілі" нейкія меламаны. Іду ў заклад, што штатныя дынамікі ігралі лепей.


Тыя ж спадары спаганілі пярэднія дзвярныя абшыўкі: па-першае, трэба быць ідыётам, каб "пасадзіць аркестр сабе ў дупу (рус. в жопу)", а па-другое, замест тканіны, спераду і ззаду, зроблены нейкія чорныя устаўкі з дэрмаціну - гэта папраўна - у Нямеччыне можна заказаць патрэбную тканіну. Дзвярныя унутраныя ручкі ў вельмі дрэнным стане. Дрэва вакол іх таксама.
Заднія падгалоўнікі ад 126, але яны незразумелага чорнага колеру. Прысутнічае задняя шторка незразумелага паходжання.




Сядзенні падраныя, але пругкія. Заднія проста забруджаныя.

Дрэва знята - гаспадар аддаў яго на рэстаўрацыю (але чамусьці без дрэва, якое каля рычага КПП): прамысловым фенам знімаецца лак і т.д. (са слоў гаспадара).


Ушчыльняльнік задняй шыбы у добрым стане. Вада у багажнік, я думаю, не цячэ.
Адзіны дэфект:


Бамперы і накладкі на дзвярах пафарбаваны не вельмі добра.
На кузаве ёсць агмені (рус. очаги) карозіі, але невялічкія. Крышку багажніка, на жаль, не адкрываў, але па-мойму пад хромавай накладкай яна цэлая (слабае месца).
Астатняе па кузаву бачна па фота. Пад дно не заглядаў, але парог варылі толькі ў адным месцы - спераду справа.











Хром на накладках прыкручаны шрубамі. Пярэдні бампер мае невялікую дзірачку. Плюс - наяўнасць вечкі (рус. крышечкі) адтуліны для буксіроўкі.





Дыскі мне не падабаюцца і на мой погляд ніякай гістарычная цэннасці не прадстаўляюць. Шыны Мішлен.




Тыя дыскі што на фота у аб'яве - зараз стаяць на 123 (на ім гаспадар прыехаў). 123 у вельмі добрым стане. Але пасля зносін з гаспадаром у мяне застаўся невялічкі асадак.

Капот мае невялікі дэфект.

Вось што была знойдзена пад капотам.

Каля блока АБС завадскі дыягнастычны раздым.



Грыль не мае папярочных і падоўжнай хромавых планак. Пластык мае невялікі дэфект.


Эмблема выцвіла.


Правы пярэдні паварот разбіты. І фары неяк уперад тырчаць.





==================
П.С. У працэсе рэдагавання...

ауто у цяжкiм стане, але пры наяунасцi жадання, часу i грошау усё атрымаецца! так сама можна пашукаць iншы экзэмпляр для рэстаурацыi. як кажуць - цяжкi лёс, але трэба змагацца!!!

Гэты камплектны, акрамя рухавіка і АКПП. Ні разу не фарбаваны. Гэта вялізны плюс.
Нефарбаваныя (значыць, што і аўто не фарбавалі - см. артыкул Dr. Diesel) абмежавальнікі дзвярэй:

тым больш, рухавiк и кп пры жаданнi можна адшукаць, салон i iншае можна адрамантаваць, цi пашукаць донара.

дыскi падобны на BORBET, сустракаюцца на126

Ды і на 123 сустракаюцца. Мне яны не падабаюцца.

Так. Гэты рухавік дарма многімі не любім і, я думаю, ад яго больш жадаюць пазбавіцца.
Па салону шмат ёсць новага.

Жадаў паглядзіць гэты, але ён у Брэсце. Можа як збяруся ехаць, дык тады...
http://abw.by/allpublic/sell/1991708/

на фота выглядае добра, трэба глядзець)))

Далекавата ехаць...

ранкам сдзiшся у цягнiк масква-брэст, у гадзiн 11 там. глядзiш ауто, калi падабаецца купляеш i вяртаешся на iм, а не у вечары вяртаешся цягнiком. на усё адзiн дзень

кошт бiлета прыблiзна 30000руб.)))

Пра гэта усё я ведаю...

дык у чым справы?

Floyd молодец! Очень полезная тема!
Машина конечно подъемная, но вкинешь в неё....Экземпляр 91 года куда лучше (по фото). Как вариант напряги брестских одноклубников для первоначального осмотра и если по подробным фото покажется, что ничего, то можно будет ехать.